Hertha 0 - 0 Schalke 04
Það var einn leikur í þýsku úrvalsdeildinni í kvöld og var hann ekki alveg sá skemmtilegasti. Leikurinn fór fram á Ólympíuvellinum í Berlín.
Hertha Berlín tók á móti Schalke í höfuðborginni og var leikurinn í járnum alveg til enda. Schalke var aðeins sterkari aðilinn, en tókst ekki að koma boltanum inn.
Niðurstaðan markalaust jafntefli í þessum leik í Berlín og taka bæði lið því eitt stig með sér inn í helgina.
Sóknarmaðurinn Krzysztof Piatek kom inn hjá Hertha eftir rúman klukkutíma. Hann var keyptur til félagsins frá AC Milan í gær.
Schalke er í sjötta sæti Bundesligunnar með 34 stig. Hertha er í 13. sæti með 23 sig.
Athugasemdir