„Kyle tók sig til og tók hárblásarann. Menn tóku það til sín og gerðum breytingar og það virkaði.“ sagði Guðmundur Magnússon, fyrirliði Fram, eftir stórskemmtileg 3-3 jafntefli í Kaplakrika í kvöld.
Lestu um leikinn: FH 3 - 3 Fram
„Mjög gaman að hafa náð þessu jafntefli eftir hörmulegan fyrri hálfleik og bara mættum ekki til leiks og þeir voru grimmari og aggresívari. Góð hálfleiksræða hjá Rúnari sem kveikti í okkar.“
Það var ekki bara Rúnar Kristins sem tók hárblásarann heldur gerði Kyle McLagan það líka.
„Við þurfum bara á þessu að halda svona leiðtogahæfni í hópinn. Við vitum það að það er ekki nóg að það sé einn leikmaður sem þurfi að láta í sér heyra og allir hugsa hvað hann er leiðinlegur heldur þurfa fleiri að stíga upp. Menn tóku það til sín.“
Gummi Magg gerðist brotlegur í fyrri hálfleik þegar hann braut á Ísaki Óla í vítateig Fram.
„Ef þetta er víti þá verður að vera lína í gegnum allt sumarið. Ég fæ nákvæmlega eins móment í víkingsleiknum í sumar. Ekkert dæmt þannig ef þetta á að vera línan þá þarf að gera þetta alltaf.“
Viðtalið má sjá í heild sinni í spilaranum hér að ofan.
