Man City setur verðmiða á Cancelo - Simons eftirsóttur - Lille hafnar Liverpool
   mán 14. júní 2010 22:32
Hörður Snævar Jónsson
Umfjöllun: Fyrstu stig Grindavíkur komu gegn Breiðablik
Gilles Ondo skoraði tvö fyrir Grindavík.
Gilles Ondo skoraði tvö fyrir Grindavík.
Mynd: Fótbolti.net - Hörður Snævar Jónsson
Arnór Sveinn var á skotskónum fyrir Blika.
Arnór Sveinn var á skotskónum fyrir Blika.
Mynd: Fótbolti.net - Magnús Már Einarsson
Breiðablik 2 - 3 Grindavík:
0-1 Giles Mbang Ondo (18) (Vítaspyrna)
1-1 Arnór Sveinn Aðalsteinsson (23)
2-1 Alfreð Finnbogason (32)
2-2 Páll Guðmundsson (75)
2-3 Giles Mbang Ondo (85)

Grindavík vann sinn fyrsta sigur í Pepsi deildinni í sumar er liðið vann Breiðablik í Kópavoginum í kvöld.

Grétar Ólafur Hjartason var ekki með liðinu vegna meiðsla og þá var Jóhann Helgason í banni. Þá var þetta fyrsti leikur liðsins undir stjórn Ólafs Örn Bjarnasonar.

Hjá Blikum voru tvær breytingar frá síðasta leik en þeir Arnór Sveinn Aðalsteinsson og Andri Rafn Yeoman komu inn í liðið.

Leikurinn byrjaði fremur rólega en á 18. mínútu leiksins gerðist skondið atvik. Boltinn kom þá til baka á Ingvar Kale sem virtist ætla að halda á boltanum en missti hann frá sér og Giles Mbang Ondo fór í gegn og Ingvar virtist brjóta á honum og Þóroddur Hjaltalín dæmdi vítaspyrnu.

Ondo fór sjálfur á punktinn og skoraði örugglega. 1-0 fyrir gestina sem höfðu á þessum tímapunkti verið slakari.

Adam var þó ekki lengi í paradís því fimm mínútum síðar jafnaði Arnór Sveinn Aðalsteinsson metinn. Hann ætlaði þá að gefa fyrir markið en boltinn fór að markinu. Rúnar Dór varði boltann í stöngina og þaðan í hina stöngina og í netið.

Það var svo þegar rétt rúmur hálftími var búinn af leiknum er Breiðablik komst yfir. Eftir klafs í teignum barst boltinn til Alfreðs Finnbogasonar sem skaut að marki og með viðkomu í varnarmanni fór boltinn í netið.

Skömmu síðar fékk Alfreð dauðafæri til að koma Blikum í 3-1 en Rúnar Dór varði vel einn á móti Alfreði.

Staðan var 2-1 fyrir heimamenn í hálfleik sem voru töluvert betri.

Síðari hálfleikurinn byrjaði með miklu fjöri og var Jósef Kristinn Jósefsson nálægt því að skora og skömmu síðar átti Marko Valdimar gott skot sem Ingvar Kale verði.

Á 67. mínútu fékk Andri Rafn Yeoman frábært færi til að auka forystu Blika en skaut framhjá.

Það var svo á 75. mínútu er Grindavík jafnaði leikinn. Varamennirnir Loic Ondo og Páll Guðmundsson unnu þá vel saman. Ondo sendi fyrir markið og Páll kom á fjærstöng og skoraði með góðu skoti.á fjærstöng.

Það var síðan tíu mínútum síðar er Giles Mbang Ondo skoraði sigurmark leiksins. Eftir slæm varnarmistök hjá Blikum skoraði Ondo annað mark sitt í leiknum og tryggði liðinu sinn fyrsta sigur.

Lokastaðan 2-3 sigur fyrir Grindavík sem byrja vel undir stjórn Ólafs Arnar.

Breiðablik hafa hinsvegar oft spilað betur og virðast ekki spila sinn besta leik þegar andstæðingurinn er talinn vera slakari.

Boltinn gekk ekki hratt eins og liðið gerir svo vel. Ekkert verður þó tekið af Grindavík sem spilaði vel og átti sigurinn skilið.

Maður leiksins: Gilles Mbang Ondo (Grindavík)
Áhorfendur: 761

Breiðablik: Ingvar Kale (M), Arnór Sveinn Aðalsteinsson, Elfar Freyr Helgason, Kári Ársælsson (F) (Olgeir Sigurgeirson, 90), Kristinn Jónsson, Jökull Elísabetarsson, Guðmundur Kristjánsson, Alfreð Finnbogason, Andri Yeoman, Guðmundur Pétursson (Haukur Baldvinsson, 75), Kristinn Steindórsson.
Varamenn: Sigmar Ingi Sigurðsson (M), Árni Kristinn Gunnarsson, Finnur Orri Margeirsson,, Rannver Sigurjónsson, Elvar Páll Sigurðsson.

Grindavík. Rúnar Dór Daníelsson (M), Óli Baldur Bjarnason, Ray Jónsson, Auðunn Helgason, Marko Valdimar Stefánsson, Matthías Örn Friðriksson, Orri Hjaltalín (F), Gilles Mbang Ondo, Jóhann Helgi Aðalgeirsson (Loic Ondo, 74), Jósef kristtinn Jósefsson (Páll Guðmundsson, 67), Alexander Magnússon.
Varamenn: Óskar Pétursson (M), Scott Ramsey, Vilhjálmur Darri Einarsson, Guðmundur Egill Bergsteinsson.
banner
banner
banner
banner