RB Leipzig tók á móti Bayer Leverkusen í seinni leik dagsins í þýska boltanum.

Gestirnir frá Leverkusen voru mun betri í fyrri hálfleik og komust yfir þegar Leon Bailey skoraði á 29. mínútu, eftir góðan undirbúning frá Kai Havertz.

Skömmu síðar tókst Patrick Schick að jafna með skalla eftir aukaspyrnu og ekki tókst gestunum að endurheimta forystuna þrátt fyrir góðar tilraunir.

Gangur leiksins breyttist í síðari hálfleik. Mikið jafnræði var með liðunum og gáfu þau ekki mikið af færum á sér.

Lokatölur 1-1 og eru þetta frábærar fréttir fyrir FC Bayern sem trónir á toppi deildarinnar með þriggja stiga forystu á Leipzig. Leverkusen er í fimmta sæti, fimm stigum eftir Leipzig.