England - Lundúnarslagur og Everton gegn Leicester

Fjórir leikir eru á dagskránni í ensku úrvalsdeildinni í kvöld. Allir leikirnir eru í beinni útsendingu á <i>Síminn Sport</i>.

Bournemouth sem er í alls konar basli mætir Newcastle, Everton mætir Leicester og Arsenal mætir Norwich í leikjum sem hefjast klukkan 17:00. Spurning hvort Gylfi byrji hjá Everton og hvort Arsenal og Leicester nái upp góðum leik eftir erfiða tíma.

Lokaleikur dagsins er svo viðureign West Ham gegn Chelsea, Lundúnarslagur. West Ham er í fallbaráttu á meðan Chelsea er með Wolves og Manchester United andandi ofan í hálsmálið á sér í baráttunni um Meistaradeildarsæti.