Almenn miðasala á landsleik Íslands gegn Frakklandi í undankeppni HM hefst í dag kl. 12:00. Miðasalan fer fram á miðasöluvef KSÍ, en um er að ræða takmarkaðan fjölda miða sem fer í sölu í dag.
Um er að ræða þriðja hluta miðasölunnar á leikinn. Mótsmiðasala var fyrsti hluti hennar þar sem miðakaupendur gátu keypt miða á alla þrjá heimaleiki liðsins í undankeppninni. Því næst var boðið upp á að kaupa miða saman á leikina í október, gegn Úkraínu og Frakklandi. Í dag hefst síðasti hluti miðasölunnar þar sem seldir eru miðar á staka leiki.
Enn eru nokkrir miðar lausir á leik Íslands gegn Úkraínu sem fer fram á Laugardalsvelli föstudaginn 10. október kl. 18:45.
Leikurinn gegn Frakklandi fer fram á Laugardalsvelli mánudaginn 13. október kl. 18:45
Athugasemdir
