Scott Parker
Burnley er fallið aftur niður í B-deildina eftir 1-0 tap liðsins gegn Manchester City á Turf Moor í kvöld. Scott Parker, stjóri Burnley, veit ekki hvað framtíðin ber í skauti sér.
Parker kom Burnley upp í úrvalsdeildina á síðasta ári þar sem vörn Burnley var ótrúleg og hélt hreinu í 30 deildarleikjum.
Úrvalsdeildin er önnur skepna og lærðu Burnley-menn það hratt, en á þessu tímabili hefur liðið fengið 68 mörk á sig og aðeins haldið hreinu í fjórum leikjum.
Í kvöld féll síðan liðið en Parker sagðist þrátt fyrir það vera stoltur af hópnum.
„Mér fannst frammistaðan segja mjög mikið um okkur sem leikmannahóp. Það óumflýjanlega var til staðar, en ég er stoltur af leikmönnunum. Það vantaði aðeins upp á.“
„Mér fannst andrúmsloftið frábært. Það hefur verið mismunandi á vissum augnablikum og ég skil pirringinn, en við skildum allt eftir á vellinum í kvöld. Ég sagði við hópinn að þetta hafi verið nákvæmlega það sem áhorfendur vildu sjá og við gerðum nákvæmlega eins og til ætlast,“ sagði Parker.
Stjórinn gat ekki lofað því að hann verði áfram hjá Burnley á næstu leiktíð. Hann mun funda með stjórninni eftir tímabilið og skoða næstu skref.
„Félagið hefur þurft að koma nokkrum sinnum til baka á síðustu árum. Það er enn margt sem má draga lærdóm af og það er nákvæmlega það sem við munum gera. Við munum skoða hvað það var sem vantaði og þurfum að finna út hvað við gerðum rangt og koma sterkari til baka á næsta ári.“
„Þetta hefur verið vægðarlaust tímabil fyrir alla, þar á meðal mig. Ég og stjórnin munum setjast niður, skoða málin og finna út hvert við stefnum héðan og vinna út frá því,“ sagði Parker í lokin.
Stöðutaflan
England
Premier league - karlar
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Arsenal | 36 | 24 | 7 | 5 | 68 | 26 | +42 | 79 |
| 2 | Man City | 35 | 22 | 8 | 5 | 72 | 32 | +40 | 74 |
| 3 | Man Utd | 36 | 18 | 11 | 7 | 63 | 48 | +15 | 65 |
| 4 | Liverpool | 36 | 17 | 8 | 11 | 60 | 48 | +12 | 59 |
| 5 | Aston Villa | 36 | 17 | 8 | 11 | 50 | 46 | +4 | 59 |
| 6 | Bournemouth | 36 | 13 | 16 | 7 | 56 | 52 | +4 | 55 |
| 7 | Brighton | 36 | 14 | 11 | 11 | 52 | 42 | +10 | 53 |
| 8 | Brentford | 36 | 14 | 9 | 13 | 52 | 49 | +3 | 51 |
| 9 | Chelsea | 36 | 13 | 10 | 13 | 55 | 49 | +6 | 49 |
| 10 | Everton | 36 | 13 | 10 | 13 | 46 | 46 | 0 | 49 |
| 11 | Fulham | 36 | 14 | 6 | 16 | 44 | 50 | -6 | 48 |
| 12 | Sunderland | 36 | 12 | 12 | 12 | 37 | 46 | -9 | 48 |
| 13 | Newcastle | 36 | 13 | 7 | 16 | 50 | 52 | -2 | 46 |
| 14 | Leeds | 36 | 10 | 14 | 12 | 48 | 53 | -5 | 44 |
| 15 | Crystal Palace | 35 | 11 | 11 | 13 | 38 | 44 | -6 | 44 |
| 16 | Nott. Forest | 36 | 11 | 10 | 15 | 45 | 47 | -2 | 43 |
| 17 | Tottenham | 36 | 9 | 11 | 16 | 46 | 55 | -9 | 38 |
| 18 | West Ham | 36 | 9 | 9 | 18 | 42 | 62 | -20 | 36 |
| 19 | Burnley | 36 | 4 | 9 | 23 | 37 | 73 | -36 | 21 |
| 20 | Wolves | 36 | 3 | 9 | 24 | 25 | 66 | -41 | 18 |
