Þróttur Reykjavík og Þór Akureyri mættust á Eimskipsvellinum í kvöld í 3.umferð Lengjudeildarinnar og höfðu Þórsarar betur 2-0. Alvaro Montejo og Jóhann Helgi skoruðu mörk Þórs og eru Þórsarar með fullt hús stiga en Þróttarar án stiga.

Lestu um leikinn: Þróttur R. 0 -  2 Þór

Jóhann Helgi Hannesson framherji Þórs var léttur eftir sigurinn í kvöld.

,Bara höldum áfram að harka sigrunum, ákvaðum að breyta aðeins um leikkerfi og byrja leikinn vel sem tókst í dag og vörðum markið okkar vel, þeir fengu ekki mörg færi og bara þokkalega sáttur með leikinn."

Jóhann Helgi Hannesson skoraði í síðasta leik gegn Leikni F. og svo aftur hér í kvöld og var Jói spurður hvort hann væri búin að finna markaskóna.

„Jájá ég er búin að finna markaskóna, þau eru ekki alltaf falleg, þetta var ekki fallegt í dag en telur jafn mikið."

Markmið Þórsara er skýrt og ætlar liðið sér sæti í efstu deild að ári.

„Við erum búnir að gefa það út. Það er bara klárt mál, við ætlum að fara upp."

STUÐNINGSSVEIT
FÓTBOLTA.NET

Okkur er full alvara!

Umfjöllun síðustu daga hefur Fótbolti.net sýnt að við ætlum að bæta í umfjöllun um fótbolta.

Okkur er full alvara með það!

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit