Franski varnarmaðurinn Jean-Clair Todibo virðist vera á leið til AC Milan í ítalska boltanum og er Frederic Massara, yfirmaður íþróttamála hjá félaginu, staddur í Barcelona þessa stundina til að funda um félagaskiptin.

Milan hefur miklar mætur á Todibo og ákvað því að senda Massara út til að kanna áhuga leikmannsins á félaginu. Todibo er nýorðinn 20 ára gamall og hafa félög á borð við Mónakó og Bayer Leverkusen gert lánstilboð í ungstirnið.

Barca vill helst selja leikmanninn, með sérstöku ákvæði um endurkaupsmöguleika í framtíðinni, en flest félög vilja fá hann að láni.

Milan vill fá Todibo að láni með kaupmöguleika sem hljóðar upp á 20 milljónir evra næsta sumar.

Ítalski fréttamaðurinn Gianluca Di Marzio greinir frá þessu og bætir því við að varnarjaxlinn ungi sé opinn fyrir því að prófa ítalska boltann.

STUÐNINGSSVEIT
FÓTBOLTA.NET

Okkur er full alvara!

Umfjöllun síðustu daga hefur Fótbolti.net sýnt að við ætlum að bæta í umfjöllun um fótbolta.

Okkur er full alvara með það!

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit