Enska B-deildarfélagið Middlesbrough tilkynnti í kvöld um komu nígeríska framherjans Kelechi Iheanacho en hann kemur á láni frá spænska félaginu Sevilla.
Iheanacho, sem er 28 ára gamall, var kynntur hjá Boro fyrir leik liðsins gegn Sunderland í deildinni í kvöld.
Framherjinn samdi við Sevilla síðasta sumar eftir að samningur hans við Leicester rann sitt skeið.
Hann byrjaði aðeins fimm leiki hjá Sevilla á tímabilinu, en er nú kominn aftur til Englands.
Nígeríumaðurinn er uppalinn hjá Manchester City og skoraði þar 21 mark í 64 leikjum með aðalliðinu. Hjá Leicester spilaði hann 232 leiki og skoraði 61 mark. Hann féll með liðinu niður í B-deildina árið 2023.
Á síðasta tímabili hans með Leicester skoraði hann fimm mörk er liðið vann sig aftur upp í úrvalsdeildina.
Welcome to Boro, Kelechi Iheanacho! ????
— Middlesbrough FC (@Boro) February 3, 2025
The striker joins on loan from Sevilla until the end of the season ????
Athugasemdir
