Úrvalslið umferða 1-11 í Lengjudeildinni

Í útvarpsþættinum Fótbolti.net í dag var opinberað val á úrvalsliði umferða 1-11 í Lengjudeildinni.

Vilhelm Þráinn Sigurjónsson, markvörður ÍR, var valinn besti leikmaður fyrri hlutans en hann fékk aðeins sex mörk á sig í fyrstu ellefu umferðunum.

Þá var Jóhann Birnir Guðmundsson þjálfari toppliðs ÍR valinn besti þjálfarinn en ÍR var ósigrað á toppnum að loknum ellefu umferðum.

Dagur Orri Garðarsson, sóknarmaður HK sem er á láni frá Stjörnunni, var valinn besti ungi leikmaðurinn en hann er markahæstur í deildinni.