Rúnar: Ætlum ekki að fara grenja yfir því að hafa tapað

„Á þessum 90 mínútum sem við spiluðum áður en framlengingin byrjaði þá fannst mér við vera með yfirhöndina meira og minna. Við eigum að klára þetta á 90 mínútum, svo er framlengingin eins og hún er. Við eigum færi þar og þeir líka, þetta hefði getað farið á báða bóga."

„Hörku spenna og týpískur bikarleikur. Þegar þú ert kominn út í vítakeppni þá er erfitt. Maður vill ekki skamma neinn fyrir það að þora að standa á punktinum og vilja taka víti. Það er alltaf einhver sem þarf að klikka til þess að ráða einhver úrslit og því miður lentum við í því."

Fram er í harðri baráttu um að komast í efri hlutann í Bestu deildinni. Liðið mætir Aftureldingu á fimmtudaginn.

„Við förum kokhraustir héðan. Við ætlum ekki að fara grenja yfir því að hafa tapað, við erum mjög leiðir en það er svo mikið um að spila í deildinni. Við ætlum að halda áfram á okkar vegferð. Strákarnir fá tveggja daga frí og sleikja sárin og svo mætum við kokhraustir í næsta leik. Við leyfum mönnum að safna smá kröftum í líkamann eftir þessar erfiðu mínútur."