Heimir er án starfs eftir að hafa yfirgefið Al Arabi í maí en hann hefur verið orðaður við nokkur öflug félög síðustu vikur.

Samkvæmt rússneska miðlinum Eurostavka er hann einn af fimm þjálfurum sem gætu tekið við Rostov í rússnesku úrvalsdeildinni.

Valery Karpin hætti með Rostov á dögunum og tók við rússneska landsliðinu og staðan því laus.

Eurostavka talar um það að þegar Heimir þjálfaði íslenska landsliðið þá hafi hann reglulega flogið til Rostov til að fylgjast með leikmönnum spila og hafi þar myndað gott samband með Artashes Arutyunyants, forseta félagsins.

Hann og Miodrag Bozovic eru í kjörstöðu um að hreppa starfið en það ætti að koma í ljós á allra næstu dögum.