Espanyol er úr leik í bikarnum
La Liga-liðið Espanyol er óvænt úr leik í spænska konungsbikarnum eftir að hafa tapað gegn liði úr C-deildinni í kvöld.
Espanyol, sem er nýliði í La Liga, tapaði fyrir C-deildarliðinu Barbastro, 2-0, á útivelli.
Andres Barrera skoraði bæði mörk Barbastro í leik þar sem Espanyol var með öll völd.
Espanyol átti þrettán skot á markið og var 74 prósent með boltann, en færin fóru forgörðum í kvöld og liðið úr leik.
Real Valladolid hleypti full mikilli spennu í einvígi sitt gegn C-deildarliði Real Avila. Staðan var 2-2 eftir venjulegan leiktíma en í framlengingunni skoruðu Marcos Andre og Kike Perez tvö og sáu til þess að koma Valladolid í 32-liða úrslit.
Celta Vigo pakkaði Salamanca saman, 7-0, á meðan Las Palmas vann 2-1 sigur á CE Europa.
Athugasemdir
