Andoni Iraola þjálfari Bournemouth var svekktur eftir að hafa fengið skell á útivelli gegn Brentford í ensku úrvalsdeildinni í dag.
Brentford komst í tveggja marka forystu í fyrri hálfleik og urðu lokatölur 4-1 í leik sem Kevin Schade skoraði þrennu.
„Það er auðvelt að greina tapið í dag, við mættum einfaldlega 45 mínútum of seint í þennan leik. Vanalega þegar það gerist í ensku úrvalsdeildinni þá tapar maður. Það er ekki auðvelt að spila á útivelli gegn Brentford og það var ekkert að frammistöðunni í síðari hálfleik, en fyrri hálfleikurinn var afleitur," sagði Iraola.
„Við fengum mörk á okkur í seinni hálfleik útaf því að við lögðum mikla áherslu á sóknarleikinn og við það opnaðist vörnin. Þeir skoruðu úr skyndisóknum, en í fyrri hálfleik voru þeir mikið betri. Við sýndum engan sóknarvilja í fyrri hálfleiknum og vorum bara farþegar allan tímann. Það má ekki koma fyrir aftur.
„Við töpuðum alltof mikið af einvígum og svo þegar við fórum loksins að spila okkar bolta þá var það orðið alltof seint."
Iraola gerði þrefalda skiptingu í hálfleik þar sem Evanilson, Justin Kluivert og David Brooks komu allir inn af bekknum.
„Ég var svo vonsvikinn að ég gerði þrefalda skiptingu í leikhlé og ég hefði getað gert fleiri. Frammistaðan í fyrri hálfleik var óboðleg og við verðskulduðum að vera tveimur mörkum undir."
Bournemouth er í neðri hluta deildarinnar með 22 stig eftir 18 umferðir, fjórum stigum á eftir Brentford sem er í efri hlutanum.
Stöðutaflan
England
Premier league - karlar
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Arsenal | 21 | 15 | 4 | 2 | 40 | 14 | +26 | 49 |
| 2 | Man City | 21 | 13 | 4 | 4 | 45 | 19 | +26 | 43 |
| 3 | Aston Villa | 21 | 13 | 4 | 4 | 33 | 24 | +9 | 43 |
| 4 | Liverpool | 21 | 10 | 5 | 6 | 32 | 28 | +4 | 35 |
| 5 | Brentford | 21 | 10 | 3 | 8 | 35 | 28 | +7 | 33 |
| 6 | Newcastle | 21 | 9 | 5 | 7 | 32 | 27 | +5 | 32 |
| 7 | Man Utd | 21 | 8 | 8 | 5 | 36 | 32 | +4 | 32 |
| 8 | Chelsea | 21 | 8 | 7 | 6 | 34 | 24 | +10 | 31 |
| 9 | Fulham | 21 | 9 | 4 | 8 | 30 | 30 | 0 | 31 |
| 10 | Sunderland | 21 | 7 | 9 | 5 | 21 | 22 | -1 | 30 |
| 11 | Brighton | 21 | 7 | 8 | 6 | 31 | 28 | +3 | 29 |
| 12 | Everton | 21 | 8 | 5 | 8 | 23 | 25 | -2 | 29 |
| 13 | Crystal Palace | 21 | 7 | 7 | 7 | 22 | 23 | -1 | 28 |
| 14 | Tottenham | 21 | 7 | 6 | 8 | 30 | 27 | +3 | 27 |
| 15 | Bournemouth | 21 | 6 | 8 | 7 | 34 | 40 | -6 | 26 |
| 16 | Leeds | 21 | 5 | 7 | 9 | 29 | 37 | -8 | 22 |
| 17 | Nott. Forest | 21 | 6 | 3 | 12 | 21 | 34 | -13 | 21 |
| 18 | West Ham | 21 | 3 | 5 | 13 | 22 | 43 | -21 | 14 |
| 19 | Burnley | 21 | 3 | 4 | 14 | 22 | 41 | -19 | 13 |
| 20 | Wolves | 21 | 1 | 4 | 16 | 15 | 41 | -26 | 7 |
Athugasemdir
