Scott Parker, þjálfari nýliða Burnley, var sársvekktur eftir markalaust jafntefli á heimavelli gegn Everton í gær.
Lærlingar hans sýndu flotta frammistöðu og voru óheppnir að skora ekki gegn andstæðingum sínum.
„Mér fannst við fyllilega verðskulda að vinna þennan leik. Við stóðum okkur mjög vel en klúðruðum alltof mörgum dauðafærum. Við erum pirraðir útaf því að við komumst svo nálægt því að vinna þennan leik án þess að takast það," sagði Parker við fréttamenn að leikslokum.
„Það jákvæða er að við náðum í stig, héldum hreinu og vorum betra liðið. Það er hvatning fyrir okkur. Við sköpuðum mikið gegn mjög sterkum andstæðingum en nýttum ekki færin. Þetta eru núna tveir leikir í röð sem við náum í stig og við verðum að byggja á því."
Burnley er aðeins búið að safna saman 12 stigum eftir 18 umferðir af úrvalsdeildartímabilinu. Liðið er sex stigum frá öruggu sæti í deildinni.
„Við erum með ungt lið og strákarnir höfðu tapað sjö leikjum í röð fyrir þessi tvö jafntefli en þeir eru ekki búnir að gefa upp baráttuviljann. Ég hef séð það gerast hjá öðrum liðum, en þessi leikmannahópur er ekki að fara að gefast upp. Strákarnir eru með trú á verkefninu, orku og sigurvilja. Þegar við töpum þá er það naumlega, það er nóg eftir af tímabilinu til að snúa þessu við."
Parker líkti fótbolta við box og sagði leikinn í gær hafa svipað mikið til boxbardaga.
„Fótboltaleikur getur verið boxbardagi. Ef hvorugum aðila tekst að rota hinn fyrir áttundu eða níundu lotu þá lifnar rosalega mikið við þessu. Þannig var þetta í dag."
Stöðutaflan
England
Premier league - karlar
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Arsenal | 22 | 15 | 5 | 2 | 40 | 14 | +26 | 50 |
| 2 | Man City | 22 | 13 | 4 | 5 | 45 | 21 | +24 | 43 |
| 3 | Aston Villa | 21 | 13 | 4 | 4 | 33 | 24 | +9 | 43 |
| 4 | Liverpool | 22 | 10 | 6 | 6 | 33 | 29 | +4 | 36 |
| 5 | Man Utd | 22 | 9 | 8 | 5 | 38 | 32 | +6 | 35 |
| 6 | Chelsea | 22 | 9 | 7 | 6 | 36 | 24 | +12 | 34 |
| 7 | Brentford | 22 | 10 | 3 | 9 | 35 | 30 | +5 | 33 |
| 8 | Sunderland | 22 | 8 | 9 | 5 | 23 | 23 | 0 | 33 |
| 9 | Newcastle | 21 | 9 | 5 | 7 | 32 | 27 | +5 | 32 |
| 10 | Fulham | 22 | 9 | 4 | 9 | 30 | 31 | -1 | 31 |
| 11 | Brighton | 21 | 7 | 8 | 6 | 31 | 28 | +3 | 29 |
| 12 | Everton | 21 | 8 | 5 | 8 | 23 | 25 | -2 | 29 |
| 13 | Crystal Palace | 22 | 7 | 7 | 8 | 23 | 25 | -2 | 28 |
| 14 | Tottenham | 22 | 7 | 6 | 9 | 31 | 29 | +2 | 27 |
| 15 | Bournemouth | 21 | 6 | 8 | 7 | 34 | 40 | -6 | 26 |
| 16 | Leeds | 22 | 6 | 7 | 9 | 30 | 37 | -7 | 25 |
| 17 | Nott. Forest | 22 | 6 | 4 | 12 | 21 | 34 | -13 | 22 |
| 18 | West Ham | 22 | 4 | 5 | 13 | 24 | 44 | -20 | 17 |
| 19 | Burnley | 22 | 3 | 5 | 14 | 23 | 42 | -19 | 14 |
| 20 | Wolves | 21 | 1 | 4 | 16 | 15 | 41 | -26 | 7 |
Athugasemdir
