Norski framherjinn skoraði 6 mörk í Sambansdeildinni á síðustu leiktíð og heillaði þar Jose Mourinho, þjálfara Roma, upp úr skónum í leikjum liðanna.

Solbakken. sem er 23 ára, skoraði þrjú mörk í tveimur leikjum í riðlakeppninni gegn Roma og spilaði þá síðari leikinn 4-0 tapi í 8-liða úrslitum keppninnar.

Roma hefur verið í viðræðum við Bodö/Glimt í næstum tvo mánuði en norska félagið hefur reynst afar erfitt í viðræðunum og var útlit fyrir að skiptin myndu ekki ganga í gegn.

Norska sjónvarpsstöðin TV2 segir nú að Roma sé að ganga frá samkomulagi við Bodö/Glimt um Solbakken og að hann sé staddur í Róm til að semja um kaup og kjör.

Solbakken var byrjaður að ræða við tyrkneska félagið Galatasaray eftir að viðræður Bodö og Roma sigldu í strand í síðasta mánuði en tyrkneska félagið er ekki lengur í myndinni.