Eggert Aron Guðmundsson var frábær í kvöld.
„Mér líður ógeðslega vel. Við erum búnir að vinna lengi til að vinna svona leiki og loksins skilaði þetta og við unnum af okkur rassgatið og gerðum bara okkur besta sem skilaði sigrinum."
Lestu um leikinn: Stjarnan 4 - 0 ÍA
Stjörnumenn fóru með 3-0 forskot inn í hálfleik en síðan dalaði aðeins sóknarleikur liðsins í þeim síðari.
„Ég veit ekki hvað það var. Þeir komu sterkir inn í seinni hálfleik og náðu að halda okkur í skefjum en við héldum hreinu og fengum fá færi á okkur þannig þetta var bara fínn seinni hálfleikur."
Eggert Aron Guðmundsson lék sinn fyrsta byrjunarliðsleik í kvöld með Stjörnunni. Hann kom Stjörnumönnum á bragðið og lagði upp eitt síðar í leiknum.
„Jú ég get líka þakkað liðsfélögum mínum fyrir þessa frammistöðu útaf þeir hjálpa mér ógeðslega mikið innan sem utan vallar."
Stjarnan fær Breiðablik í heimsókn í Garðabæinn í næstu umferð og er Eggert Aron spenntur fyrir því verkefni.
„Já auðvitað. Ég hef alltaf horft á Breiðablik sem erkióvin en við ætlum bara vinna þann leik og halda okkar striki áfram."
Viðtalið í heild sinni má sjá í sjónvarpinu hér að ofan.
Athugasemdir
