Þýskaland: Sigraði krabbameinið og tryggði svo öll stigin gegn Augsburg

Leikmenn Gladbach þurftu að verjast vel fyrstu mínúturnar gegn Mainz sem skapaði sér nokkur fín færi áður en Gladbach tók völdin á leiknum.

Liðið brenndi af nokkrum góðum færum áður en flautað var til loka fyrri hálfleiks. Í þeim síðari varð Gladbach fyrir áfalli er Ko Itakura var rekinn af velli eftir skelfilega tæklingu. Aaron Martin tók aukaspyrnuna fyrir Mainz og skoraði.

Gladbach hélt samt sem áður áfram að skapa sér færi eftir þetta. Liðið vildi fá vítaspyrnu er varnarmaður Mainz handlék knöttinn innan teigs, en ekkert dæmt. Þá kom Lars Stindl boltanum í net Mainz á 87. mínútu en línuvörðurinn búinn að flagga og markið því dæmt af.

Lokatölur 1-0. Mainz eins og áður segir með 9 stig en Gladbach með 8 stig.

Hertha Berlín lagði þá Augsburg, 2-0. Kantmaðurinn eldsnöggi, Dodi Lukebakio skoraði á 57. mínútu áður en Marco Richter gerði annað mark liðsins undir lok leiks. Þetta var fyrsta mark hans síðan hann greindist með æxli fyrr á árinu. Hann er laus við meinið og gat svo sannarlega leyft sér að fagna marki sínu í kvöld.

Úrslit og markaskorarar:

Borussia M. 0 - 1 Mainz
0-1 Aaron Martin ('55 )
Rautt spjald: Ko Itakura, Borussia M. ('53)

Augsburg 0 - 2 Hertha
0-1 Dodi Lukebakio ('57 )
0-2 Marco Richter ('90 )