Manchester United bauð upp á frábæra endurkomu í ensku úrvalsdeildinni í kvöld er liðið mætti West Ham á London Stadium.

Man Utd gerði breytingar eftir 3-1 tap gegn PSG í Meistaradeildinni og byrjuðu þeir Marcus Rashford og Bruno Fernandes á bekknum.

West Ham var mun sterkari aðilinn í fyrri hálfleik og skoraði Tomas Soucek eina markið á fyrstu 45 eftir hornspyrnu.

Allt annað Man Utd lið kom þó til leiks í þeim seinni en Fernandes og Rashford komu þá báðir inná sem varamenn og létu til sín taka.

Fyrsta mark gestanna skoraði Paul Pogba á 65. mínútu með frábæru skoti fyrir utan teig eftir sendingu frá Fernandes.

Stuttu seinna var staðan orðin 1-2 en Mason Greenwood kom þá boltanum snyrtilega í netið eftir fyrirgjöf frá Alex Telles.

Það var svo Rashford sem kláraði leikinn algjörlega fyrir Man Utd á 78. mínútu en hann afgreiddi þá magnaða stungusendingu Juan Mata í netið á skemmtilegan hátt.

Lokastaðan 1-3 fyrir Rauðu Djöflunum sem lyfta sér upp í fjórða sæti deildarinnar með sigrinum.