„Við vorum miklu sterkari í fyrri hálfleik. Fórum inn í hálfleik eitt núll yfir, en við hefðum átt að gera betur úr okkar sóknarstöðum sem við vorum að koma okkur í. Það vantaði aðeins meiri ró og ákvarðanatöku í síðasta þriðjung. Fórum aðeins yfir það í hálfleik, mér fannst seinni hálfleikur líka góður, sanngjörn úrslit" sagði Ian Jeffs, þjálfari Breiðabliks eftir 2-4 úti sigur gegn Víkingum í Bestu Deildinni.
Lestu um leikinn: Víkingur R. 2 - 4 Breiðablik
Voru þið dómínerandi í leiknum?
„Mér fannst það. Við vorum töluvert sterkari liðið í fyrri hálfleik og stóran part af seinni hálfleiknum. Hleypum smá spennu í leikinn, síðustu tíu eða tólf mínútur. Við misstum kannski aðeins smá fókus í okkar varnarleik sem lið. Heilt yfir var þetta mjög sannfærandi sigur í dag."
Hvað var það góða sem þið gerðu í dag?
„Varnarleikurinn okkar, við vorum að pressa gríðarlega vel, við vorum oft að vinna boltann á mjög góðum stöðum til þess að sækja hratt. Sóknarleikurinn var mjög góður, alveg upp í síðasta þriðjung. Það vantaði aðeins upp á það í fyrri hálfleik. En í seinni hálfleik þá nýtum við færin betur og ákvarðanatakan var betri í síðasta þriðjung og þess vegna skorum við þrjú mörk. Við hefðum átt að skora fleiri mörk í dag fannst mér."
Fullt viðtal í spilaranum fyrir ofan
