FH vann sinn fyrsta sigur í Bestu deild kvenna í kvöld þegar þær lögðu nýliða Grindavík/Njarðvík af velli á Kaplakrikavelli í 3. umferð Bestu deild kvenna.
Lestu um leikinn: FH 2 - 1 Grindavík/Njarðvík
„Við vorum bara geggjaðar í dag og þetta er svo sætt að fá þennan sigur" sagði Ída Marín Hermannsdóttir eftir sigurinn í kvöld.
„Ég var þvílíkt stressuð fyrir þennan leik en við vorum bara frábærar í dag"
FH sótti sinn fyrsta sigur í kvöld og var sigurinn kærkominn.
„Það var bara geggjað. Þá er þetta stress farið að ná fyrsta sigrinum og við getum bara spilað okkar leik"
Hvað var það sem skildi á milli í kvöld?
„Við vorum bara aggressívari og við nýttum reyndar bara eitt færi og eitt víti en bjuggum okkur til góðar stöður og vorum bara betri í dag"
Genevieve Jae Crenshaw var frábær í marki Grindavík/Njarðvík í kvöld.
„Markmaðurinn hjá þeim er alveg mjög góð. Ég skaut tvisvar og hún varði mjög vel og bara flott hjá henni" sagði Ída Marín Hermannsdóttir.
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Breiðablik | 4 | 4 | 0 | 0 | 11 - 4 | +7 | 12 |
| 2. ÍBV | 4 | 4 | 0 | 0 | 12 - 7 | +5 | 12 |
| 3. FH | 4 | 2 | 1 | 1 | 6 - 5 | +1 | 7 |
| 4. Þróttur R. | 4 | 2 | 0 | 2 | 6 - 5 | +1 | 6 |
| 5. Grindavík/Njarðvík | 4 | 2 | 0 | 2 | 6 - 6 | 0 | 6 |
| 6. Víkingur R. | 4 | 2 | 0 | 2 | 7 - 8 | -1 | 6 |
| 7. Stjarnan | 4 | 1 | 1 | 2 | 6 - 6 | 0 | 4 |
| 8. Valur | 4 | 1 | 0 | 3 | 6 - 9 | -3 | 3 |
| 9. Þór/KA | 4 | 0 | 2 | 2 | 4 - 7 | -3 | 2 |
| 10. Fram | 4 | 0 | 0 | 4 | 3 - 10 | -7 | 0 |
