Stjarnan gerði 2-2 jafntefli gegn Þór/KA á Akureyri í dag þar sem Stjarnan var með 2-0 forystu í hálfleik. Fótbolti.net ræddi við Óskar Smára Haraldsson, þjálfara Stjörnunnar eftir leikinn.
Lestu um leikinn: Þór/KA 2 - 2 Stjarnan
„Í fyrsta lagi er ég svekktur. 2-0 er hættuleg forystua, það kom í ljós í dag. Við skorum tvö mörk eftir hornspyrnur og komumst í mjög margar álitlegar stöður í fyrri hálfleik en gerum eiginlega ekkert með það í raunninni. 2-0 í hálfleik er kannski bara ósanngjarnt að mörgu leyti," sagði Óskar Smári.
„Svo snýst leikurinn við í seinni hálfleik þar sem við förum að verja eitthvað sem er ekki komið. Svo fáum við fullt af góðum tækifærum til að klára þetta. Þetta mikilvæga þriðja markið kemur hjá Þór/KA og það gefur þeim meðbyr og við kóðnum aðeins við það."
Óskar vildi sjá rauða spjaldið fara á loft.
„Mér fannst við byrja seinni hálfleikinn betur en þær, við fáum dauðafæri. Um miðbik seinni hálfleiks finnst mér að þær eigi að fá rautt spjald þar sem Snædís kemst ein í gegn og það er ýtt í bakið á henni. Þegar leið á seinni hálfleikinn þá fannst mér Þór/KA komast í taktinn og við fórum snemma að verja eitthvað sem var ekki komið," sagði Óskar Smári.
