Framarar unnu gríðarlega mikilvægan sigur gegn Þór á Akureyri í Pepsi-deildinni í kvöld 2-0. Þarna voru að mætast tvö neðstu lið deildarinnar.
Fram er enn í fallsæti en þó aðeins einu stigi frá öruggu sæti núna. Fram hafði síðast unnið 15. júní.
Fram er enn í fallsæti en þó aðeins einu stigi frá öruggu sæti núna. Fram hafði síðast unnið 15. júní.
Lestu um leikinn: Þór 0 - 2 Fram
„Þetta hefur verið erfitt hjá okkur en við höfum haldið okkar leikskipulagi þrátt fyrir að þetta hafi verið erfitt. Þetta var frábær sigur og mikill léttir," sagði Jóhannes Karl Guðjónsson, miðjumaður Fram, eftir leikinn.
„Þetta er rosalega erfiður útivöllur að koma að spila á. Þeir eru grimmir, öflugir og sterkir."
„Þetta var alvöru fótboltaleikur fyrir alvöru karlmenn. Mér fannst dómarinn standa sig vel í erfiðum aðstæðum. Þetta var erfitt fyrir dómarann," sagði Jóhannes Karl en Gunnar Jarl Jónsson dæmdi leikinn.
Viðtalið má sjá í heild í sjónvarpinu hér að ofan.
