Þorlákur Árnason verður áfram þjálfari ÍBV á næstu leiktíð, en þetta kemur fram í tilkynningu ÍBV.
ÍBV var í botnsæti flestra spámanna fyrir tímabil en liðið hefur þegar tryggt veru sína í Bestu-deildinni á næsta ári og eru sem stendur í efsta sæti neðri hlutans.
Þorlákur tók við starfinu síðasta vetur eftir að Hermann Hreiðarsson lét af störfum en hann kom liðinu upp úr Lengjudeildinni í fyrra.
Tilkynning ÍBV:
Knattspyrnuþjálfarinn Þorlákur Árnason verður áfram þjálfari meistaraflokks karla í knattspyrnu hjá félaginu. Þetta eru miklar gleðifréttir enda hefur Láki gert frábæra hluti með liðið á leiktíðinni.
Flestir spáðu ÍBV neðsta sæti deildarinnar en liðið hefur siglt lygnan sjó í deildinni í nokkuð langan tíma, þrátt fyrir að meiðsli hafi sett strik í reikninginn hjá liðinu. Liðið var síðast í fallsæti eftir 1. umferðina og situr nú í 7. sæti deildarinnar með 33 stig eftir 25 leiki.
Þorlákur hefur ásamt sínu teymi sýnt knattspyrnuáhugamönnum að mikið býr í leikmannahópi liðsins og séð til þess að liðið haldi sæti sínu í Bestu deildinni í fyrsta skiptið frá árinu 2022.
Knattspyrnuráð hefur verið mjög ánægt með störf Láka á tímabilinu og hlakkar til áframhaldandi samstarfs.
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
