Bentancur fer upp á sjúkrahús í frekari rannsóknir

Bentancur ætlaði að skalla boltann að marki eftir hornspyrnu en lenti illa og lá hreyfingarlaus á vellinum. Sjúkralið mætti fljótlega á völlinn og leikmaðurinn fékk aðhlynningu.

Hann settist fljótlega upp en það tók dágóðan tíma að koma honum fyrir á börum og að lokum var hann borinn af velli.

Tottenham hefur sent frá sér stutta yfirlýsingu þar sem kemur fram að hann sé með meðvitund og spjalli við fólk. Þá er hann á leiðinni upp á sjúkrahús í frekari rannsóknir.