Kjartan Henry Finnbogason yfirgaf KR eftir tímabilið í sumar en hann var ekki í náðinni hjá Rúnari Kristinssyni.
Fótbolti.net greindi frá því í nóvember að hann væri í viðræðum við FH og Dr. Football greinir frá því á Twitter í kvöld að hann muni skrifa undir í Hafnarfirðinum á morgun.
Heimir Guðjónsson snéri aftur í Hafnarfjörðinn eftir vonbrigðartímabil í sumar og er byrjaður að styrkja liðið.
Kjartan Henry er 36 ára og lék lengi í atvinnumennsku áður en hann kom heim og gekk í raðir uppeldisfélags síns KR fyrir sumarið 2021.
Sóknarleikur FH var ekki ýkja merkilegur í sumar og skoraði liðið 36 mörk, jafnmörg mörk og ÍA sem féll á lakari markatölu en FH.
Komnir
Dani Hatakka frá Keflavík
Sindri Kristinn Ólafsson frá Keflavík
Farnir
Atli Gunnar Guðmundsson
Guðmundur Kristjánsson í Stjörnuna
Gunnar Nielsen
Kristinn Freyr Sigurðsson í Val
Matthías Vilhjálmsson í Víking
Sjá einnig:
Kjartan Henry: Þá fær bara einhver annar að njóta þeirra krafta