Það eru þrír leikir á dagskrá í Lengjubikar karla í kvöld þar sem fjörið hefst í A-deild.
HK tekur þar á móti Vestra í Kórnum og geta heimamenn tryggt sér þriðja sæti riðilsins með sigri. HK er með sex stig eftir fjórar umferðir á meðan Vestri er stigalaus eftir þrjár.
ÍH tekur svo á móti KV í B-deildinni. ÍH er þar með þrjú stig eftir tvær umferðir en KV hefur farið illa af stað og er án stiga með markatöluna 0-10.
Að lokum mætast KFK og Hamar í C-deildinni en þar eru bæði lið með fullt hús stiga, KFK eftir tvo leiki og Hamar einn.
Lengjubikar karla - A-deild, riðill 1
19:00 HK-Vestri (Kórinn)
Lengjubikar karla - B-deild, riðill 1
20:00 ÍH-KV (Skessan)
Lengjubikar karla - C-deild, riðill 4
20:00 KFK-Hamar (Fagrilundur - gervigras)
Athugasemdir