Pálmi Rafn Pálmason.
Pálmi Rafn Pálmason, fyrirliði KR, skoraði fyrra mark KR þegar liðið vann 2-1 sigur gegn írska liðinu Cork í Frostaskjólinu í kvöld. Samanlagður 3-2 sigur eftir framlengdan leik í kvöld og KR mætir Rosenborg í næstu umferð í undankeppni Evrópudeildarinnar.
Lestu um leikinn: KR 2 - 1 Cork City
KR var marki undir og manni færri í hálfleik í kvöld eftir að Skúli Jón Friðgeirsson fékk rautt spjald á 43. mínútu.
„Við vorum frekar bjartsýnir þrátt fyrir stöðuna. Okkur fannst við hafa fulla stjórn á leiknum þó við höfum ekki gert mikið í byrjun leiks. Við fengum klaufalegt mark á okkur en mér finnst við miklu betra lið. Við vorum aldrei hræddir við þetta. Það var fögur sjón að sjá boltann fara inn," segir Pálmi.
„Við vorum sammála um það í hálfleik að við ætluðum að keyra á þennan leik og fara áfram. Það verður gaman að mæta Rosenborg en verst að vitleysingurinn gaf mér gult og ég verð í banni."
Pálma fannst lettneski dómarinn lélegur en viðtalið má sjá í heild sinni í spilaranum hér að ofan.
Athugasemdir
