Tveir miðverðir orðaðir við Liverpool - Graham Potter næsti landsliðsþjálfari Englands? - Arsenal líklegast til að fá Merino - Man City vill fá...
Ómar Björn: Loksins að fá að skora á heimavelli
Jón Þór svekktur út í sjálfan sig: Var pínu hikandi að taka menn útaf
Talar um ítölsku ræturnar og góðan varnarleik - „Simeone væri stoltur“
Rúnar Páll: Sól í stúkunni og smá brúnka
Ísak Óli: Særð dýr koma alltaf og bíta frá sér
Ómar: Óhað frammistöðu þá þurfum við að vinna næsta leik
Kjartan Henry: Leikur sem reyndi á allskonar hliðar fótboltans
Hallgrímur Mar: Geggjuð ferð vestur - fórum á Bolafjallið
Haddi eftir átta gul spjöld á KA: Öll miðjan mín er í banni í næsta leik
Davíð Smári ósáttur við Helga Mikael: Hvað segi ég rangt ef ég segi nafn dómarans?
Maggi lét menn heyra það - „Þurfum að kafa mjög djúpt"
Heiður að vera með bandið - „Ætluðum að bæta upp fyrir drulluna"
Siggi Höskulds: Gerir mig mjög spenntan fyrir framhaldinu
Gunnar Heiðar: Sýnum það í úrslitum og stigasöfnun að við erum að gera eitthvað rétt
Dragan: Það er betra eitt stig en ekki neitt
Halli Hróðmars: Okkur vantaði púðrið til að keppa við ÍR
Árni Guðna: Erum ekkert verri en önnur lið í deildinni
Fanney: Þægilegur dagur á skrifstofunni
Guðný hæstánægð: Okkur langaði að spila fyrir þær í kvöld
Dreymdi um 1-0 sigur en fékk meira - „Ég er orðin sveitt aftur"
banner
   þri 09. júlí 2024 22:05
Sæbjörn Þór Þórbergsson Steinke
Stjóri Shamrock svekktur: Kjánaleg ákvörðun hjá okkar manni
Mynd: Fótbolti.net - Hafliði Breiðfjörð
Mynd: Fótbolti.net - Hafliði Breiðfjörð
„Í hreinskilni þá erum við vonsviknir að vinna ekki leikinn þegar við horfum í þessi tvö færi. Við vissum hvað Víkingur myndi reyna gera og mér fannst við gera mjög vel gegn því og mér fannst við eiga vinna leikinn," sagði Stephen Bradley sem er stjóri Shamrock Rovers.

Lið hans gerði markalaust jafntefli gegn Víkingi í fyrri leik liðanna 1. umferð forkeppninnar í Meistaradeildinni.

Lestu um leikinn: Víkingur R. 0 -  0 Shamrock Rovers

Víkingur hélt góðri pressu á írsku meistarana í upphafi leiks og náðu kafla þar sem virtist einungis tímaspursmál hvenær Víkingur myndi skora fyrsta markið. Það kom ekki, Írarnir náðu að þrauka.

„Við vissum að byrjunin yrði mjög mikilvæg. Við vissum við að við þyrftum að halda einbeitingu í 10-15 mínútur og svo koma okkur inn í leikinn. Mér fannst við gera það mjög vel."

Bradley og hans lið er ekki hrifið af því að spila á gervigrasi en skilur hvers vegna það seú gervigrasvellir á Íslandi. Hann var spurður út í aðstæðurnar og hann kom inn á áhorfendur. „Stuðningurinn var allt í lagi, kannski þúsund manns. Við erum vanir að spila fyrir framan 7-10 þúsund svo þetta var ekki vandamál."

Írarnir náðu að drepa niður tempóið með því að taka sér langar tímar í sínar aðgerðir. Víkingar voru ekkert sérstaklega kátir með það.

„Þetta er hluti af leiknum, þú þarft að skilja hvernig á að stýra leiknum og mitt lið er reynslumikið lið í Evrópu, þeir vita hvernig á að stjórna leiknum og við gerðum það mjög vel."

Írska liðið var manni færra í lok leiks þar sem Darragh Nugent fékk sitt annað gula spjald á 80. mínútu, það kom eftir leiktöf.

„Ég held að þetta sé gult spjald. Þetta var kjánaleg ákvörðun hjá okkar leikmanni."

Bradley á von á öðruvísi leik í seinni leiknum sem fram fer í Dublin eftir viku. „Við vitum hvað þeir munu koma með, en þetta verður öðruvísi leikur fyrir framan okkar áhorfendur." Hann býst við að endurheimta tvo leikmenn; Lee Grace og Markus Poom fyrir næsta leik. Hvorki Víkingur né Shamrock á leik í millitíðinni.

Shamrock mætti Breiðabliki í fyrra, hver er munurinn á Breiðabliki og Víkingi?

„Ég held að liðin séu mjög svipuð á vissan hátt. Breiðablik var betra á vissan hátt og Víkingur var betra á vissan hátt. Þau hafa bæði sína styrkleika og veikleika. Ég skal segja þér eftir leikinn á þriðjudaginn hver munurinn á liðunum er," sagði Bradley brosti.

Víkingur fékk urmul af hornspyrnum en skapaði lítið. Besta færi Víkings kom í fyrri hálfleik þegar markvörður Shamrock bjargaði og svo stöngin. „Við erum mjög góðir í hornspyrnum, verjumst þeim mjög vel. Við vorum tilbúnir í að fá á okkur mörg horn," sagði Bradley sem í lok viðtalsins ræddi um hvers vegna Johnny Kenny sem fékk bestu færi Shamrock byrjaði ekki leikinn.

Viðtalið í heild má nálgast í spilaranum efst.
Athugasemdir
banner
banner
banner
banner