Þórdís átti tvær stoðsendingar gegn ÍBV í kvöld.
Liðsheild, barátta, við ætluðum okkur að taka þessi þrjú stig. Áttum skíta leik í síðustu umferð , vorum að þétta okkur og unnum bara baráttuna og kláruðum færin sem við fengum, sagði Þórdís eftir 3-0 sigur gegn ÍBV í kvöld.
Lestu um leikinn: KR 3 - 0 ÍBV
Stutt er síðan KR mætti FH og tapaði þar 4-2 í botnbaráttu slag en það var allt annað að sjá liðið hér í kvöld. Hvað fannst Þórdísi vera helsta breytingin á liðinu?
Varnarleikur og að vinna fyrir hvor aðra, við vorum að berjast mjög vel. Ég er ótrúlega ánægð með stelpurnar að við stígum upp. Það eru þrír dagar síðan síðasti leikur þar sem við töpum og það getur verið erfitt að mótivera sig þegar það er mikið af meiðslum og mikið álag. Það var mikill munur á liðinu, vorum að hlaupa fyrir hvor aðra og berjast fyrir hvor aðra.
Þórdís átti tvær stoðsendingar í leiknum en vildi ekki taka mikið kredit fyrir sýna frammistöðu.
Já mína frammistöðu og stelpnanna, ég tek ekkert endilega credit fyrir þetta að vera með tvær stoðsendingar. Það er alltaf gaman að standa sig vel í leik og geta gert eitthvað gott fyrir liðsfélagana.
Þetta er fínt fyrir okkur, þá eigum við þrjá leiki inni og það er bara að halda áfram og horfa á næsta leik, ekkert að vera að horfa á alla leikina sem eftir eru og taka þrjú stig, sagði Þórdís um stöðu liðsins en KR liðið hefur ítrekað þurft að fara í sóttkví í sumar.
Viðtalið í heild má sjá í spilaranum hér að ofan.
