Flugvél þýska landsliðsins þurfti óvænt að lenda í Edinborg í Skotlandi þegar hún var á leið frá Íslandi í nótt.
Fljótlega eftir 4-0 sigurinn gegn Íslandi þá hélt þýska liðið af landinu og átti að fljúga beint til Frankfurt en heimferðin gekk ekki eins þægilega fyrir sig og leikurinn.
Flugvélin lenti í einhverjum vandræðum og tók óvænt snarpa beygju yfir Skotlandi og lenti í skosku höfuðborginni klukkan 3 í nótt.
Fljótlega eftir 4-0 sigurinn gegn Íslandi þá hélt þýska liðið af landinu og átti að fljúga beint til Frankfurt en heimferðin gekk ekki eins þægilega fyrir sig og leikurinn.
Flugvélin lenti í einhverjum vandræðum og tók óvænt snarpa beygju yfir Skotlandi og lenti í skosku höfuðborginni klukkan 3 í nótt.
Ekki er vitað hvað kom upp varðandi flugvélina en hún var yfirfarin við lendingu.
Í tilkynningu frá þýska landsliðinu sem kom á Twitter í morgun er sagt að hópurinn sé í góðu yfirlæti og öllum líði vel. Öryggi sé forgangsatriði og því hafi verið ákveðið að lenda í Skotlandi.
Önnur flugvél er á leiðinni til Skotlands til að ná í hópinn og koma honum til Þýskalands.
Our flight home has been diverted to Edinburgh in order to carry out a precautionary safety inspection on the plane.
— Germany (@DFB_Team_EN) September 9, 2021
Everyone is fine and patiently waiting while the staff go about their business calmly and professionally. Another coffee it is then! ☕#DieMannschaft pic.twitter.com/Cqb4c1v0Hj
Athugasemdir