Alexander-Arnold haltraði af velli þegar um það bil klukkutími var búinn af leik Liverpool gegn Man City en James Milner kom inná í hans stað.

Það er ljóst að hann verður ekki með Liverpool næstu fjórar vikurnar en auk þess missti hann af þremur landsleikjum með Englandi.

Mikið álag er á leikmönnum í ensku úrvalsdeildinni og er lítið frí á milli leikja en bæði Jürgen Klopp og Pep Guardiola ræddu þetta við fjölmiðla eftir leikinn í gær.

Þeir vilja að stjórnarmenn ensku úrvalsdeildarinnar skipuleggi deildina betur og er þá vilji þeirra að fá fimm skiptingar í leik líkt og var leyft í lok síðasta tímabils. Evrópumót landsliða fer fram næsta sumar og vara þeir við því að meiðslum mun fjölga töluvert ef ekki verður gripið til aðgerða.