Bartosz í leik með Árbæ í fyrra.
Njarðvík er búið að krækja í tvo nýja leikmenn sem eiga að breikka leikmannahópinn fyrir næstu leiktíð í Lengjudeild karla.
Njarðvík endaði í sjötta sæti Lengjudeildarinnar í fyrra og rétt missti af umspilssæti þar sem munaði aðeins tveimur stigum á Njarðvíkingum og ÍR-ingum sem voru í fimmta sæti.
Njarðvíkingar vonast til að Bartosz Matoga og Ýmir Hjálmsson komi til með að hjálpa liðinu í sumar.
Markvörðurinn Bartosz Matoga er fæddur 2002 og kemur til Njarðvíkur úr röðum Árbæjar. Bartosz var mikilvægur hlekkur í liði Árbæinga í 3. deildinni í fyrra og stóð sig frábærlega á milli stanganna.
Ýmir er fæddur 2005 og spilaði 5 leiki með Kára í 3. deildinni í fyrra.
Ýmir er alinn upp á Skaganum en flutti á Selfoss 2023 og var þar í rúmt ár áður en hann snéri aftur á Akranes.
Athugasemdir
