Myndin tengist fréttinni ekki beint
Grannaslagur Slavia og Sparta Prag í tékknesku deildinni þróaðist út í svakalegar óeirðir þegar hundruðir stuðningsmanna Slavia ruddust inn á völlinn með blys í hendi.
Slavia var með 3-2 forystu og var hársbreidd frá því að gulltryggja sér titilinn þegar stuðningsmennirnir ruddust inn á völlinn í uppbótatíma.
Margir héldu á blysum og köstuðu þeim í áttina að stuðningsmönnum Sparta. Þá sakaði Jakub Surovcik, markvörður Sparta, stuðningsmenn að hafa ráðist á sig og hann segist ætla að kæra.
Fjölmiðlar greina frá því að annar leikmaður og maður í læknateymi Sparta hafi orðið fyrir barðinu á stuðningsmönnunum. Dómarinn stöðvaði leikinn og lögreglan tók ákvörðun að lokum að hætta við hann alveg.
Slavia v Sparta ???????????? pic.twitter.com/pJMwE2y3SD
— Ultras Clips (@ultras_clips) May 9, 2026
