Hugo Duro klúðraði vítaspyrnu fyrir Valencia í fyrri hálfleik en Umar Sadiq setti svo eina mark leiksins í síðari hálfleiknum. Heimamenn í Bilbao voru sterkari aðilinn stærsta hluta leiksins en náðu ekki að skora.

Valencia er með 42 stig þegar þrjár umferðir eru eftir en fallbaráttan á Spáni er ótrúlega spennandi í ár. Sex stig skilja 10. sæti að frá 19. sæti deildarinnar. Valencia er fimm stigum frá fallsæti og á sama tíma aðeins þremur stigum frá sæti í Sambandsdeildinni fyrir næstu leiktíð.

Getafe er í síðasta sambandsdeildarsætinu eftir markalaust jafntefli við botnlið Real Oviedo sem verður fyrsta félagið til að falla niður um deild í lokaumferðunum. Oviedo er níu stigum frá öruggu sæti þegar þrjár umferðir eru eftir og er markatala liðsins hörmuleg.

Getafe var sterkari aðilinn í Oviedo og fengu heimamenn tvö rauð spjöld í síðari hálfleik en tókst að halda út. Níu leikmenn Oviedo börðust eins og ljón til að þrauka síðustu 20 mínútur leiksins og takast að halda markinu hreinu.

Að lokum gerði Mallorca jafntefli við Villarreal í leik þar sem Vedat Muriqi og Ayoze Pérez skoruðu mörkin. Mallorca er tveimur stigum frá fallsæti eftir jafnteflið á meðan Villarreal siglir lygnan sjó í þriðja sæti.

Heimamenn í Mallorca voru sterkari aðilinn í dag en þeim tókst ekki að gera sigurmark.

Athletic Bilbao 0 - 1 Valencia
0-0 Hugo Duro ('27 , Misnotað víti)
0-1 Umar Sadiq ('72 )

Real Oviedo 0 - 0 Getafe
Rautt spjald: Javi Lopez, Oviedo ('54)
Rautt spjald: Kwasi Sibo, Oviedo ('78)

Mallorca 1 - 1 Villarreal
0-1 Ayoze Perez ('31 , víti)
1-1 Vedat Muriqi ('45 )