Kolbeinn í viðtali við Fótbolta.net í dag.
„Það er mikil tilhlökkun fyrir þennan leik," sagði Kolbeinn Sigþórsson framherji íslenska landsliðsins um leikinn gegn Tékkum á föstudag.
Ísland tapaði 2-1 gegn Tékkum í nóvember en Kolbeinn segir hægt að laga margt frá þeim leik.
Ísland tapaði 2-1 gegn Tékkum í nóvember en Kolbeinn segir hægt að laga margt frá þeim leik.
„Við þurfum að bæta allt. Sóknarleikinn, varnarleikinn og ýmsar taktískar breytingar. Það er ýmislegt sem við þurfum að breyta og við erum að æfa það á fullu. Við ætlum að koma Tékkunum á óvart,"
Kolbeinn hefur raðað inn mörkum með íslenska landsliðinu í gegnum tíðina en hann hefur ekki fundið netmöskvana í síðustu fjórum leikjum í undankeppninni.
„Það pirrar mig að heyra þetta. Þetta æsir mig vonandi upp og gerir mig ennþá hungraðari í að skora," sagði Kolbeinn ákveðinn.
Uppselt varð á leikinn á hálftima og búast má við fjöri í Laugardalnum á föstudag.
„Það verður pottþétt góð stemning hérna og það mun hjálpa okkur. Maður finnur inni á vellinum hversu góð stemning er hérna. Það er um að gera fyrir Tólfuna og alla inn á vellinum að styðja við okkur."
Hér að ofan má sjá viðtalið í heild sinni.
Athugasemdir
