| fim 10. september 2020 19:14 |
|
Rúnar Páll: Alltaf svekkelsi að tapa
Rúnar Páll og Ólafur Jóhannesson, þjálfarar Stjörnunnar.
„Það er alltaf svekkelsi að tapa. Mér fannst við spila þennan leik vel framan af í fyrri hálfleik þrátt fyrir að lenda 2-0 undir. Fáum á okkur tvö mörk sem að við gerum ekki nógu vel í." sagði Rúnar Páll eftir leikinn.
Lestu um leikinn: FH 3 - 0 Stjarnan
Eins og fyrr segir unnu FH-ingar leikinn 3-0 og voru heilt yfir betri í leiknum.
„Við þurfum að fækka þessum litlu mistökum sem að þar sem að við fáum á okkur mörk. Svo hefðum við getað gert betur með að skora mörk í fyrri hálfleik."
Það var mikil harka í þessum leik og mikið af vafaatriðum. Stjörnumenn vildu fá rangstöðu í fyrsta marki FH.
„Þetta virkar tæpt í sjónvarpi og það er staðreynd að Daníel er seinn að stíga út. Svo fáum við annað markið á okkur í blálokin þegar að Alex gefur ranga sendingu. Við gerðum illa í því." sagði Rúnar Páll.
Nánar er rætt við Rúnar Pál í spilaranum að ofan.
Athugasemdir
Nýjustu fréttirnar
16:03
