Emil Hallfreðsson
Emil Hallfreðsson, leikmaður íslenska landsliðsins, var sáttur með 0-3 sigur liðsins á Lettlandi í kvöld en hann átti góðan leik á vinstri vængnum.
Emil var sífellt að ógna marki Letta með góðum sendingum og fyrirgjöfum en hann var einn besti maður vallarins í dag.
,,Þetta var bara alveg eins og þú segir þolinmæðisvinna og komum í hálfleik nokkuð rólegir. Við þannig séð dominerum leikinn þrátt fyrir að skapa ekki nógu mörg færi en við vorum rólegir og vissum að þeir myndu þreytast í seinni hálfleik," sagði Emil.
,,Það var mikilvægt að setja þetta fyrsta mark og vorum búnir að eiga nokkur færi fyrir en það var létt á þessu fyrsta marki. Þetta var virkilega vel gert og frábær leikmaður en hann var reyndar búinn að klúðra færi sem ég lagði upp á hann en hann bætti það upp með þessu glæsimarki."
,,Ég held að ég hafi verið ágætur. Ég átti marga crossa og skot sem máttu fara betur en það kemur bara í næsta leik á móti Hollandi. Mikilvægast af öllu er að hafa tekið þessi þrjú stig heim og sex stig í tveim leikjum er frábær byrjun og nú fer öll einbeiting á Hollandsleikinn."
,,Ef við trúum því ekki þá getum við sleppt þessum leik. Ég held að við höfum allir trú á verkefninu og við förum núna næstu daga að skipuleggja þann leik og vonandi getum við átt jafn góðan leik og þessa síðustu tvo núna," sagði hann að lokum.
Hægt er að sjá viðtalið í heild sinni hér fyrir ofan.
Athugasemdir
