Kári fær aðhlynningu undir lok leiks Íslands og Rúmeníu.
Kári Árnason mun ekki leika með íslenska landsliðinu í komandi leikjum gegn Danmörku og Belgíu í Þjóðadeildinni.
Kári meiddist undir lok leiksins gegn Rúmeniu á fimmtudag og þurfti að yfirgefa völlinn. Í fyrstu var óttast að Kári væri jafnvel fótbrotinn en í gær var staðfest að svo er ekki.
Kári meiddist undir lok leiksins gegn Rúmeniu á fimmtudag og þurfti að yfirgefa völlinn. Í fyrstu var óttast að Kári væri jafnvel fótbrotinn en í gær var staðfest að svo er ekki.
„Kári er ekki brotinn. Það er bjartsýni á nóvember en lítið annað hægt að segja núna," sagði Freyr Alexandersson, aðstoðarlandsliðsþjálfari, í samtali við Fótbolta.net í gær. Ísland mætir Ungverjalandi í úrslitaleik þann 12. nóvember í Búdapest. Sigurvegarinn fær sæti á lokamóti Evrópumótsins.
Landsliðið æfði á Kaplakrikavelli í dag fyrir leikinn gegn Danmörku annað kvöld. Kári Árnason horfði á æfinguna og mátti sjá hann í eins konar gönguspelku, hlífðarskó sem heldur ökkla og fæti stöðugum. Mynd af Kára frá Kaplakrikavelli má sjá hér að neðan.
Athugasemdir
