Sverrir Ingi Ingason.
„Það er alltaf gaman að koma og hitta strákana. Það eru tveir hörkuleikir framundan og við erum bjartsýnir," segir varnarmaðurinn Sverrir Ingi Ingason í samtali við Fótbolta.net.
Hann er hluti af íslenska landsliðinu sem á framundan leiki gegn Lúxemborg og Liechtenstein í undankeppni EM. Næsti leikur er gegn Lúxemborg á Laugardalsvelli á föstudagskvöld.
Hann er hluti af íslenska landsliðinu sem á framundan leiki gegn Lúxemborg og Liechtenstein í undankeppni EM. Næsti leikur er gegn Lúxemborg á Laugardalsvelli á föstudagskvöld.
Sverrir missti af síðasta verkefni vegna meiðsla en þar tapaði Ísland gegn Lúxemborg, 3-1. Það var mjög slæmt tap sem strákarnir ætlar núna að hefna fyrir.
Sverrir segir að það hafi verið mjög leiðinlegt að missa af síðasta verkefni.
„Það var leiðinlegt, vægast sagt. Þetta fylgir þessu, það koma stundum smá bakslög í þessu. En ég er á fínu róli núna og er tilbúinn að hjálpa liðinu. Það er mikilvægast. Staðan er nokkuð góð, ég er búinn að vera með liðinu í síðustu tveimur leikjum og er að vinna mig upp í leikformi eins vel og hægt er. Ég er bara í fínu standi."
„Það var ekki auðvelt að sitja og horfa á leikinn. Ég veit hvað býr í þessum strákum og við sýndum það síðasta sumar með góðri frammistöðu að það býr meira í okkur en liðið sýndi í þeim leik. Strákarnir sýndi þremur dögum seinna mikinn karakter og ég var mjög stoltur af liðinu. Það var stór sigur fyrir hópinn og við viljum reyna að byggja ofan á það, finna stöðugleika og bæta frammistöðuna. Við teljum okkur geta sótt góð úrslit í þessum leikjum og við verðum að byrja á föstudaginn."
„Núna erum við á heimavelli með okkar fólk á bak við okkur. Við förum inn með fullt sjálfstraust í leikinn og reynum klárlega að vinna þann leik," sagði Sverrir.
Það hafa nokkrir reynslumiklir leikmenn komið inn í hópinn frá því síðast, auk Sverris. Gylfi Þór Sigurðsson er mættur aftur og Aron Einar Gunnarsson líka.
„Það er frábært að Gylfi sé kominn aftur á skrið, hann hefur verið að spila með Lyngby og er að koma sér aftur af stað. Það er frábært og við vonum að hann geti hjálpað þessu liði eins mikið og hægt er. Við vitum öll hvað hann getur þegar hann er upp á sitt besta," sagði Sverrir en allt viðtalið er í spilaranum hér fyrir ofan.
Athugasemdir
