„Mér fannst við sýna góðan anda í leiknum. Við vorum 2-0 undir og það leit út eins og leikurinn væri búinn. Frábær karakter að koma til baka og vinna leikinn.“ sagði Benjamin Stokke, nýjasti leikmaður Aftureldingar, sem skoraði tvö mörk í kvöld í 4-3 sigri á KR.
Lestu um leikinn: Afturelding 4 - 3 KR
Stokke er ánægður með karakterinn sem liðið sýndi í dag.
„Það er auðvelt að hugsa að leikurinn sé búinn í stöðunni 2-0. Mjög mikilvæg tímasetning að minnka muninn í 2-1. Það sýnir að við getum gert þetta með eins marks mun og strákarnir héldu áfram að berjast og sýndu að allt er hægt.“
Það skiptir mestu máli að liðið vinni en ekki að Stokke skori segir hann.
„Það er mikill léttir að hafa skorað fyrsta markið mitt fyrir liðið og hjálpað liðinu að vinna í dag. Það skiptir mestu máli. Það skiptir ekki máli að ég skori.“
Benjamin Stokke hefur spilað með Breiðablik áður þar sem hann fékk ekki alltaf að spila eins lengi og hann vildi en hann fær það hugsanlega núna aðeins oftar.
„Mér líður vel og ég finn fyrir trausti. Ég veit að ég sé að fara að spila meira en 50 mínútur svo ég nýt þess mikið.“
Er Stokke með einhver markmið fyrir sumarið?
„Markmiðið er að halda okkur uppi en við erum búnir að sýna það að við getum spilað góðan fótbolta. Við tökum þetta skref fyrir skref og sjáum hvert við förum.“
Viðtalið við Stokke má sjá í heild sinni í spilaranum hér að ofan.
Athugasemdir
