Gabríel Aron skoraði þrennu
Sindri Snær setti eitt fyrir gestina
Þór 2 - 4 Keflavík
0-1 Gabríel Aron Sævarsson ('5 )
0-2 Sindri Snær Magnússon ('22 )
1-2 Atli Þór Sindrason ('27 )
1-3 Gabríel Aron Sævarsson ('30 )
1-4 Gabríel Aron Sævarsson ('43 )
2-4 Ingimar Arnar Kristjánsson ('74 )
Lestu um leikinn
0-1 Gabríel Aron Sævarsson ('5 )
0-2 Sindri Snær Magnússon ('22 )
1-2 Atli Þór Sindrason ('27 )
1-3 Gabríel Aron Sævarsson ('30 )
1-4 Gabríel Aron Sævarsson ('43 )
2-4 Ingimar Arnar Kristjánsson ('74 )
Lestu um leikinn
Gabríel Aron Sævarsson fór mikinn í 4-2 sigri Keflavíkur á Þór í 3. umferð Lengjudeildarinnar í Boganum í dag, en hann gerði sér lítið fyrir og skoraði fyrstu þrennuna á meistaraflokksferli sínum.
Þessi 19 ára gamli leikmaður spilaði fyrstu deildarleiki sína með Keflvíkingum árið 2023 og hlutverk hans stækkað með hverju árinu sem líður.
Hann kom Keflvíkingum í 1-0 á 5. mínútu er hann fékk sendingu inn í teiginn og afgreiddi snyrtilega í netið. Hans fyrsta í dag en alls ekki það síðasta.
Sindri Snær Magnússon bætti við forystuna með lausu skoti sem virtist ekki ætla inn, en þannig var það nú samt og gestirnir komnir í flotta stöðu.
Atli Þór Sindrason minnkaði muninn fimm mínútum síðar er hann hirti frákast eftir að Sindri Kristinn Ólafsson hafði varið boltann út í teiginn, en Keflvíkingar svöruðu strax.
Gabríel Aron gerði annað mark sitt eftir laglega sókn Kefvlíkinga og náði hann að fullkomna þrennuna áður en hálfleikurinn var úti eftir aðra glæsilega sókn. Fyrsta þrennan á meistaraflokksferlinum og hann kominn með fjögur mörk í þremur leikjum.
Þórsarar náðu að skora eitt sárabótarmark þegar fimmtán mínútur voru eftir í gegnum Ingimar Arnar Kristjánsson, en lengra komust þeir ekki og vann Keflavík sannfærandi 4-2 sigur í Boganum.
Keflavík er með 6 stig úr þremur leikjum en Þór með 4 stig.
Lengjudeild karla
| Lið | L | U | J | T | Mörk | mun | Stig |
|---|---|---|---|---|---|---|---|
| 1. ÍR | 8 | 5 | 3 | 0 | 12 - 4 | +8 | 18 |
| 2. HK | 8 | 4 | 2 | 2 | 15 - 8 | +7 | 14 |
| 3. Njarðvík | 7 | 3 | 4 | 0 | 17 - 7 | +10 | 13 |
| 4. Grindavík | 7 | 3 | 2 | 2 | 20 - 15 | +5 | 11 |
| 5. Þór | 7 | 3 | 2 | 2 | 17 - 14 | +3 | 11 |
| 6. Þróttur R. | 7 | 3 | 2 | 2 | 13 - 11 | +2 | 11 |
| 7. Keflavík | 6 | 3 | 1 | 2 | 14 - 8 | +6 | 10 |
| 8. Völsungur | 7 | 3 | 0 | 4 | 10 - 16 | -6 | 9 |
| 9. Fylkir | 8 | 1 | 4 | 3 | 9 - 12 | -3 | 7 |
| 10. Leiknir R. | 8 | 2 | 1 | 5 | 9 - 21 | -12 | 7 |
| 11. Selfoss | 7 | 2 | 0 | 5 | 6 - 15 | -9 | 6 |
| 12. Fjölnir | 8 | 0 | 3 | 5 | 7 - 18 | -11 | 3 |
Athugasemdir
