Tuchel ánægður með viðsnúninginn: Tilbúnir í úrslitaleikinn

Sigurinn kemur sér vel fyrir Chelsea í baráttunni um þriðja sætið en hann er sérstaklega mikilvægur fyrir hugarfar leikmanna sem eiga mikilvægan úrslitaleik um helgina.

Tuchel er ánægður með skilaboðin sem hans menn sentu frá sér með frábærri frammistöðu í dag eftir að hafa gert jafntefli við Wolves í síðustu umferð og aðeins náð í tvö stig úr þremur úrvalsdeildarleikjum.

„Við þurftum svona frammistöðu, við vorum frábærir frá fyrstu mínútu, héldum einbeitingu og vorum ákafir allan leikinn. Þetta eru bestu skilaboðin sem við getum gefið frá okkur," sagði Tuchel að leikslokum.

„Við erum búnir að hreinsa andrúmsloftið eftir jöfnunarmarkið gegn Wolves. Við mættum í þennan leik fullir sjálfstrausts og strákarnir skiluðu sínu.

„Við mætum inn í úrslitaleikinn með skýrt hugarfar eftir þennan sigur. Þetta eru frábærar fréttir."