U21 árs landslið Íslands er komið í umspil um sæti á Evrópumótinu eftir magnaðan 5-0 sigur á Kýpur á Víkingsvelli. Portúgal hjálpaði íslenska liðinu með því að vinna Grikkland.
Ísland endar í 2. sæti riðilsins með 18 stig, stigi meira en Grikkland og fer því í umspilið. Liðið verður því í pottinum þegar dregið verður í umspilið þann 21. júní næstkomandi. Drátturinn fer fram í Nyon í Sviss.
Lestu um leikinn: Ísland U21 5 - 0 Kýpur U21
„Hún er gjörsamlega sturluð. Við vissum fyrir þennan glugga að við ættum möguleika og það var planið þegar við hittumst fyrst, að eiga möguleika á umspilsæti. Auðvitað duttu úrslit með okkur en mér fannst miðað við hvernig við spilum alla þessa tíu leiki þá áttum við það skilið." Sagði Sævar Atli Magnússon leikmaður Íslands eftir að umspilsætið var tryggt.
„Þessi þriggja leikja gluggi menn eru búnir að skora margir og mikil dreifing á markaskorun og aðrir líka búnir að stíga upp þannig þetta er mjög góð liðsheild og menn taka því hlutverki sem þeim er gefið og ég vissi að ég væri með ferskari fætur en aðrir í dag og ég ætlaði að nýta það með því að keyra 100% allan tímann. Við erum búnir að spila þrjá leiki á rúmri viku og mér fannst ég gera það í dag og mikilvægt fyrir strákana."
Sævar Atli skoraði fjórða mark leiksins eftir smá hark á fjærstöng en Kristall Máni vill meina að hann hafi verið að stela markinu.
„Hann Stalli vinur minn er eitthvað aðeins búin að vera tala um að ég sé að stela markinu en ég reyndi eins og ég gat að leyfa þessu að fara inn en mér sýndist hann ekki vera á leiðinni inn þannig ég ákvað að pota honum inn og þegar maður sér að maður á möguleika á að skora þá fórnar maður sér í allt."
Nánar er rætt við Sævar Atla í spilaranum hér fyrir ofan.
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
