Óskar Smári Haraldsson, leikmaður Kormáks/Hvatar, segir að liðið hafi verið undir í allri baráttu er liðið tapaði 3-0 fyrir Ægi og missti af tækifæri á að komast upp í 3. deild.

Fyrri leikur liðanna endaði með 1-1 jafntefli en í kvöld gulltryggði Ægir sæti sitt í 3. deild með 3-0 sigri.

Liðið komst tveimur mörkum yfir snemma leiks og undir lokin var sigurinn gulltryggður með marki úr vítaspyrnu.

„Við mættum ekki til leiks á móti góðu liði og okkur var refsað fyrir það og við sáum í raun ekki til sólar eftir það," sagði Óskar Smári við Fótbolta.net.

„Heppnisstimpill yfir fyrsta markinu. Þeir skalla í Hlyn, dettur fyrir senterinn og skorar. Við erum ekki klárir sem er ólíkt okkur og þeir refsuðu okkur grimmilega og voru þéttir til baka allan leikinn."

„Þetta er í fyrsta skipti þar sem það gekk eiginlega ekkert sóknarlega og vorum undir í baráttunni allan leikinn. Mér fannst við aldrei líklegir, við opnuðum þá aldrei. Þeir voru skipulagði frá fyrstu mínútu til þeirrar síðustu," sagði hann ennfremur en viðtalið má sjá í heild sinni í spilaranum hér að ofan.

STUÐNINGSSVEIT
FÓTBOLTA.NET

ALLTAF Á VAKTINNI

Fótbolti.net er alltaf á vaktinni þegar eitthvað er að frétta af fótbolta.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit