Alexis Sanchez skoraði flautumark þegar Inter vann sigur á Juventus í leiknum um ítalska Ofurbikarinn í kvöld.

Bandaríkjamaðurinn Weston McKennie kom Juventus í forystu en sú forysta entist aðeins í tíu mínútur því Lautaro Martinez jafnaði metin á 35. mínútu úr vítaspyrnu.

Staðan var jöfn í hálfleik og það var ekkert skorað í seinni hálfleik; því þurfti að framlengja.

Ítalíumeistararnir voru sterkari en bikarmeistararnir í leiknum, en það virtist stefna í að leikurinn færi í vítaspyrnukeppni. Svo tók Alexis Sanchez til sinna ráða og kom í veg fyrir það. Hann skoraði flautumark og tryggði Inter sigur.

Mikil dramatík, en það eru deildarmeistararnir sem vinna þennan bikar í ár.