Njarðvík fagnar marki.
Gunnar Heiðar Þorvaldsson, þjálfari Njarðvíkur, var gestur í útvarpsþættinum Fótbolti.net síðasta laugardag og fór þar um víðan völl. Ræddi hann meðal annars mikið um Njarðvík og verkefnið sem er í gangi þar.
Gunnar Heiðar er á sínu öðru heila tímabili með Njarðvík en hann hefur unnið gott starf hjá félaginu og reynt að skapa ákveðinn kúltúr þarna.
Gunnar Heiðar er á sínu öðru heila tímabili með Njarðvík en hann hefur unnið gott starf hjá félaginu og reynt að skapa ákveðinn kúltúr þarna.
Hann sagði frá því í þættinum að það væri þó ákveðin hræðsla hjá leikmönnum á höfuðborgarsvæðinu að koma í Njarðvík. Lenti hann í því fyrir yfirstandandi tímabil að tveir leikmenn neituðu félaginu út af Reykjanesbrautinni, það væri of langt að fara hana. Sjálfur keyrir Gunnar Heiðar frá Akranesi í Njarðvík nánast alla daga.
„Ég get alveg sagt ykkur það að það voru tveir íslenskir leikmenn sem við vildum fá... annar þeirra, eiginlega báðir, hættu við því brautin var á milli," sagði Gunnar Heiðar.
„Það tekur 20 mínútur að keyra hana. Ég er úr Eyjum og steingrjóthaltu kjafti."
Njarðvík er enn taplaust og er í öðru sæti Lengjudeildarinnar þegar sjö leikir eru búnir.
Athugasemdir
