Leiknir heimsótti Njarðvík á JBÓ vellinum í kvöld þegar 20. umferð Lengjudeildarinnar hóf göngu sína.
Leiknismenn hafa verið á fínu skriði síðustu vikur en áttu lítið erindi í Njarðvíkinga í kvöld.
Lestu um leikinn: Njarðvík 3 - 1 Leiknir R.
„Við áttum ekkert meira skilið en þetta að tapa þessum leik" sagði Ágúst Gylfason eftir tapið í kvöld.
„Við vorum góðir í einhvern kafla í seinni hálfleik en þá vantaði bara hugrekki í okkur, sérstaklega í fyrri"
„Þegar þú ert með gott lið eins og Njarðvík og Þórsararnir eru líka hörku lið, þeir eru með 5-6 frábæra útlendinga sem þeir hafa fengið til liðs við sig. Það er ástæðan fyrir því að hluti af því að þeir eru á toppnum þessi lið og eru best í þessari deild. Við áttum bara í högg að sækja hérna allan tímann fyrir utan kannski síðasta korterið þegar við skorum mark og reyndum að komast inn í leikinn en súrt að fá ekki neitt úr þessum leik, við þurfum stig"
Leiknismenn minnkuðu muninn í 3-1 og stuttu seinna virtust þeir vera að sleppa einir í gegn en flaggið fór á loft við litla hrifningu á bekknum þeirra og spjöldin fóru á loft.
„Maðurinn hleypur innfyrir og er ekki rangstæður, það er klárt. Ég var í línu við manninn og var í línu við varnarlínuna hjá þeim og hann kemst bara einn í gegn en hann flaggar"
„Ég bað dómarann vinsamlegast að kíkja á það atvik betur því þeir kíkja á leikina örugglega eftir eins og við gerum og greina hann. Ég bað aðstoðardómarann að skoða þetta atvik mjög vel því að mínu viti var þetta ekki rangstaða og hann flaggar"
„Það voru 5-7 mínútur eftir af leiknum og þetta hefði getað snúið leiknum við og við fengið eitthvað út úr honum en þar með sagt líka að það hefði þá kannski verið rán hjá okkur að koma til baka á þennan hátt en það var tækifæri þarna sem að ég held að aðstoðardómarinn hafi tekið frá okkur en það verður þá bara að koma í ljós"
Nánar er rætt við Ágúst Gylfason í spilaranum hér fyrir ofan.
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Þróttur R. | 20 | 12 | 5 | 3 | 40 - 30 | +10 | 41 |
| 2. Njarðvík | 20 | 11 | 7 | 2 | 46 - 23 | +23 | 40 |
| 3. Þór | 19 | 12 | 3 | 4 | 45 - 26 | +19 | 39 |
| 4. ÍR | 20 | 10 | 7 | 3 | 36 - 22 | +14 | 37 |
| 5. HK | 20 | 10 | 4 | 6 | 37 - 27 | +10 | 34 |
| 6. Keflavík | 20 | 9 | 4 | 7 | 47 - 37 | +10 | 31 |
| 7. Fylkir | 20 | 5 | 5 | 10 | 31 - 29 | +2 | 20 |
| 8. Völsungur | 19 | 5 | 4 | 10 | 32 - 47 | -15 | 19 |
| 9. Grindavík | 19 | 5 | 3 | 11 | 35 - 55 | -20 | 18 |
| 10. Leiknir R. | 20 | 4 | 5 | 11 | 20 - 39 | -19 | 17 |
| 11. Selfoss | 19 | 5 | 1 | 13 | 21 - 36 | -15 | 16 |
| 12. Fjölnir | 20 | 3 | 6 | 11 | 30 - 49 | -19 | 15 |
