Elfar Árni í leik með KA gegn Breiðabliki síðasta sumar.
Elfar Árni Aðalsteinsson, sóknarmaður KA, er líklega með slitið krossband samkvæmt heimildum Fótbolta.net. Ef svo er, þá verður hann ekki með í sumar.
Hann fór meiddur af velli í 5-1 sigrinum á Þór í Kjarnafæðismótinu í byrjun þessa mánaðar.
Elfar Árni er mikilvægur leikmaður í liði KA, en hann hefur leikið með félaginu frá 2015. Hann var stórkostlegur síðasta sumar og skoraði þá 13 mörk í 20 leikjum í Pepsi Max-deildinni.
Ef krossbandið er slitið þá verður Elfar ekki með KA í sumar sem er auðvitað mikið áfall fyrir liðið.
Sævar Pétursson, framkvæmdastjóri KA, sagði í útvarpsþætti Fótbolta.net að KA ætlaði að bæta við sóknarmanni en þar er um erlendan leikmann að ræða samkvæmt okkar heimildum.
KA hafnaði í fimmta sæti Pepsi Max-deildarinnar síðasta sumar.
Athugasemdir
